តារាសម្ដែងពោរពេញដោយទេពកោសល្យ នី មុន្នីនាថ ដែលត្រូវបានមហាជនចាត់ទុកថាជាតារាទឹកភ្នែកនោះ ថ្មីៗនេះបានបង្កឱ្យអ្នកលេងហ្វេសប៊ុកទាំងចាស់ទាំងក្មេងភ្ញាក់ផ្អើលយ៉ាងខ្លាំង បន្ទាប់ពីស្រីស្រស់រូបនេះ បង្ហោះរូបភាពមួយសន្លឹកក្នុងស្ថានភាពប្រែខ្លួនក្លាយទៅជាខ្មោចស្រីដ៏គួរឱ្យខ្លាច ។
ពិតណាស់ តារាសម្ដែងសម្បូរដោយប្រជាប្រិយភាព នី មុន្នីនាថ បានបញ្ចេញរូបថតតុបតែងខ្លួនទៅជាខ្មោចស្រី ធ្វើឱ្យទស្សនិកជនស្រឡាំងកាំងមើលនាងមិនចង់ស្គាល់ ដោយភ្ជាប់មកជាមួយពាក្យពេចន៍មួយឃ្លាបែបលេងសើចទៅកាន់អ្នកទាំងគាំទ្ររបស់ខ្លួនថា «ទាយតិចមើលថាអូនជាពីណាគេ គឺថាគេផាត់ឱ្យម៉ាអស់ដៃតែម្ដង » ។
ក្រោយ នី មុន្នីនាថ ទម្លាយពីទិដ្ឋភាពនេះ មានអ្នកលេងហ្វេសប៊ុកជាច្រើននាំគ្នាភ្ញាក់ផ្អើល ព្រោះកន្លងមក ពួកគេធ្លាប់តែឃើញតារាស្រីល្បីដួងនេះ បញ្ចេញសម្រស់តែជាមួយការតុបតែងខ្លួនបែបស្រស់ស្អាត ដូចជាគ្រងនូវសម្លៀកបំពាក់បែបប្រពៃណីផ្សេង ប៉ុន្ដែគេកម្របានឃើញនាងតុបតែងខ្លួនគួរឱ្យខ្លាចបែបនេះបង្ហោះលើហ្វេសប៊ុកណាស់ ។
យ៉ាងណាមិញ នេះគ្រាន់តែជាផ្នែកមួយកើតចេញពីការសម្ដែងក្នុងជីវិតសិល្បៈរបស់ នី មុន្នីនាថ តែប៉ុណ្នោះ ៕
No comments:
Post a Comment